बलात्कारी छुट्ने यहाँ, कलाकार चाँहि जेलमा
आफ्ना मान्छे भन्दै हिँड्ने राजनितीको खेलमा ।
चिल्ला गाडी चढ्ने यिनी बाटो भने उस्तै
जसले जिते पनि यहाँ जन्मे भ्रष्ट सबै ।
चुनाबको नाममा यहाँ पैसा फालाफाल
चुनाब जितेपछि यिनलाई हुन्छ मालामाल ।
भ्रष्ट नेताहरुले मात्र बिग्र्या होईन देश
जनताहरु भरौटे बिगारेनी देश ।
खाडी जान बाध्य भए युवाहरु आज
ठुला ठुला कुरा गर्छन जनताहरुको माझ ।
बुढाहरुले राज गर्दै बुढेसकालमा पनि
युवाहरुको पसिनामा भ्रष्ट रजाँई गर्नी ।
हिरा जस्तो देश आज कस्तो भयो भयो
बागमती खोला जाँदा नाक थुन्नु पर्यो ।
फेसबुक प्रतिक्रिया
सम्बन्धित समाचार