फिल्मका लागि १० लाख रुपैयाँ लिएर काम नगरेको भन्ने उजुरीका आधारमा पक्राउ परेका अभिनेता अनमोल केसी थुनामुक्त भएका छन् ।

काठमाडौं प्रहरी परिसरको हिरासतमा रहेका उनलाई राति हाजिरी जमानीमा छाडिएको काठमाडौं प्रहरी परिसरका प्रवक्ता एसपी कुमोद ढुंगेलले जानकारी दिए ।

चलचित्र रावायणका लागि बयाना लिएर पनि काम नगरेको भन्दै अनमोल तीन दिन अगाडि पक्राउ परेका थिए । आजै जिल्ला अदालतले उनलाई हिरासतमा तीन दिन राख्न अनुमति दिएको थियो । सो तीन दिन पनि आजै सकिएको छ ।

बोलाएको बेला उपस्थित हुने कागज गराएर अनमोललाई छाडिएको हो ।