काठमाडौंको मुख्य नाका नागढुंगानजिक पहिरो खसेको छ ।
बुधबार बिहान ढुंगामाटो र रुखसहित ठूलो पहिरो खसेपछि सडक दुईतर्फी नै अवरुद्ध भएको हो । नागढुंगाको नाग मन्दिरनजिक ठूलो पहिरो खसेकाले सडक पूर्ण रूपमा अवरुद्ध भएको प्रहरीले जनाएको छ ।
पहिरो पन्छाउन समय लाग्ने प्रहरीले जनाएको छ । बेला-बेलामा पहिरो खसिरहेकाले पन्छाउन समस्या भइरहेको छ । प्रहरीका अनुसार सडक अवरुद्ध हुँदा काठमाडौं भित्रिने र बाहिरिने सवारीसाधन बाटोमै रोकिएका छन् ।
