बाजुरामा मतगणना सुरु भएको छ ।
जिल्लाकाे मतगणना दिउँसाे ३ बजेर ३० मिनेटबाट सरु हुने भने पनि करिब साढे दुइ घण्टा पछाडि मात्रै सुरु भएकाे हो ।
मुख्य निर्वाचन अधिकृतको कार्यालय बाजुराले बोलाएको सर्वदलीय बैठकले साढे ३ बजेबाट मतगणना गर्ने सहमति गरेको थियाे । निर्वाचन आयोगले बाजुरामा रोकिएको मतगणना गर्ने बुधबार निणर्य गरेको थियो ।
तर बैठकमा एमाले नआएपछि गणना सुरु भएको थिएन । आयोगको मतगणना गर्ने निणर्य गरे सँगै मुख्य निर्वाचन अधिकृतको कार्यालयले बाजुरामा तेस्रो पटक सर्वदलीय बैठक बोलाएको थियो । तेस्रो पटक नेकपा एमाले सहभागी भएपछि मतगणना गर्ने सहमति भएको हो ।