गृहमन्त्री सुधन गुरूङले नागरिकलाई सास्ती हुनेगरी मन्त्रीहरूकाे सवारीलाई विशेष व्यवहार नगर्न निर्देशन दिएका छन् ।
शनिबार काठमाडौं उपत्यका ट्राफिक प्रहरी कार्यालयकाे आकस्मिक निरीक्षण गर्दै यस्ताे निर्देशन दिएका हुन् ।
गृहमन्त्री गुरूङले एसएसपी नवराज अधिकारीसहितका प्रहरी कर्मचारीलाई निर्देशन दिएकाे उनकाे सचिवालयले जानकारी दिएकाे हाे ।
`जनतालाई दुख दिने गरी भीआईपीलाई स्पेसल ट्रिट गर्ने हाेइन । नागरिकका लागि आवागमन सहज हुनुपर्यो । हामी नागरिककाे सेवक हाे,´ मन्त्री गुरूङले भने ।
गृहमन्त्री गुरूङले मन्त्रीहरूलाई हतार भए समयमा निस्किनुपर्ने तर भीआईपी सवारीका नाममा आम नागरिकलाई दु:ख नदिन निर्देशन दिएका थिए ।
