आइतवार बिहान करिव तीन बजे गएको पहिरोमा पुरिएर एकै परिवारका तीन सहित पाँच जना वेपत्ता भएका थिए । पहिरोले जीतबहादुरको कृषि फर्म र नजिकै रहेको एउटा घर समेत बगाएको थियो । नेपाली सेना, सशस्त्र प्रहरी, नेपाल प्रहरी र स्थानीय खोजी कार्यमा जुटिरहेका छन् ।
गोरखाको धार्चे गाउँपालिका–५ स्थित रेसेफाँटमा लेदोसहितको पहिरोमा परेर बेपत्ता भएका चार जनाको शव फेला परेको छ ।
नेपाली सेना, सशस्त्र प्रहरी, नेपाल प्रहरी र स्थानीय जनप्रतिनिधिसहितको टोलीले खोजी गर्ने क्रममा बेपत्ता भएकामध्ये ४ जनाको शव फेला परेको हो ।
उक्त पहिरोमा परी ५ जना बेपत्ता भएका थिए । अर्का एक जनाको शव खोजी कार्य भइरहेको प्रहरीले जनाएको छ ।
पहिरोमा परेर बेपत्ता भएकामध्ये धार्चे गाउँपालिका–५ रेसेका ३७ वर्षीय जितबहादुर गुरुङ, उनकी श्रीमती ३५ वर्षीया कान्छी गुरुङ, बुवा ६० वर्षीय सुकलाल कान्छा गुरुङ र सोही ठाउँका ३३ वर्षीय रमेश गुरुङ शव फेला परेको हो । वेपत्ता भएका २४ बर्षीय रमेश परियारको भने खोजी कार्य जारी रहेको बताइएको छ ।
