सरकारले तीनवटा प्रदेशमा प्रदेश प्रमुख हेरफेर गरेको छ । बागमती, लुम्बिनी र कर्णालीका प्रदेश प्रमुखलाई हटाएर नयाँ प्रदेश प्रमुख नियुक्त गरिएकाे हाे ।
सोमबार बसेको मन्त्रिपरिषद् बैठकले बागमतीमा दीपकप्रसाद देवकोटा, लुम्बिनीका कृष्णबहादुर घर्तीमगर र कर्णालीमा यज्ञराज जोशीलाई प्रदेश प्रमुखमा नियुक्त गर्ने निर्णय गरेकाे छ ।
यसअघि बागमतीमा यादव शर्मा, लुम्बिनीमा अमिक शेरचन र कर्णालीमा तिलक परियार प्रदेश प्रमुख थिए । उनीहरूलाई पुष्पकमल दाहाल प्रचण्ड नेतृत्वकाे सरकारले नियुक्त गरेकाे थियाे । त्यतिबेला एमालेकाे काेटाबाट नियुक्त भएकाहरूलाई भने यथावत राखिएकाे छ ।
