प्रभु बैंकले बागलुङमा एकै दिन चारवटा नयाँ शाखा कार्यालय सञ्चालनमा ल्याएको छ ।
बैंकले बाग्लुङ जिल्लाको ढोरपाटन नगरपालिका– ७, बोवाङ, निसीखोला– ५, निसी, वडिगाड– २, खरबाङ र वडिगाड– ७, भीमगिठे बाग्लुङमा गरी चारवटा नयाँ शाखा सञ्चालनमा ल्याएको हो ।
सञ्चालनमा ल्याइएका सबै शाखाको प्रभु बैंकका संस्थापक अध्यक्ष तथा सांसद देवीप्रकाश भट्टचनले उद्घाटन गरेका हुन् ।
प्रभु बैंकले आफ्नो व्यावसायिक सञ्जाल विस्तार गर्दै विभिन्न ठाउँहरूमा शाखा कार्यालय सञ्चालनमा ल्याएर सर्वसाधारणको घरआँगनसम्म सरल र सहज रूपमा बैंकिङ सेवा विस्तार गरेको छ । प्रभु बैंकको यस अभियानले देशभरि नै बैंकिङ पहुँचमा वृद्धि भएको मात्र नभई समग्र देशको आर्थिक विकासमा नै सकारात्मक टेवा पुग्ने विश्वास गरिएको छ ।
बैंकको बोवाङ शाखा, निसी शाखा, भीमगिठे शाखा र खरबाङ शाखामार्फत स्थानीय बासिन्दा, सर्वसाधारणहरू, व्यावसायिक फर्म, कम्पनी तथा संघसंस्थाहरूले आधुनिक बैंकिङ सेवा उपभोग गरी लाभान्वित हुने बैंकले जनाएको छ ।
हालसालै मात्र ‘बैंक अफ द इयर २०२३’ को उपाधिबाट सम्मानित प्रभु बैंकका नेपालभर ३०९ शाखा कार्यालयहरू, २८६ एटीएमका साथै ६९ एक्सटेन्सन काउन्टरमार्फत करिब ३१ लाखभन्दा बढी ग्राहकहरूलाई वित्तीय सेवा प्रवाह गरिरहेको छ । साथै, छोटो समयको अन्तरालमा नै यो बैंक फिनाकल इन्फोसिस इन्नोभेसन गोल्ड– २०२४ अवार्डबाट समेत सम्मानित भएको छ ।
