नेपाल सुपर लिग (एनएसएल) को उद्घाटन खेलमा शनिबार साविक विजेता ललितपुर सिटी एफसी र काठमाडौं रेजर्सले बराबरी खेलेका छन् ।
त्रिपुरेश्वरस्थित दशरथ रंगशालामा शनिबार सुरु भएको तेस्रो संस्करणको उद्घाटन खेलमा ललितपुर र काठमाडौंले २–२ को बराबरी खेलेका हुन् ।
ललितपुरका जनाथन इडुआर्डो र आदित्य शाक्यले गोल गरे भने काठमाडौंका ओमोडोउ डिओप र भिन्सेन्टले गोल फर्काए । ललितपुरलाई खेलको पाँच मिनेटमै विदेशी खेलाडी जनाथनले सुरुवाती अग्रता दिलाएका थिए । १४औं मिनेटमा ललितपुरले अग्रता दोब्बर बनाएको थियो ।
७५औं मिनेटमा डिओपले गोल गर्दै काठमाडौंलाई खेलमा फर्काए । वैकल्पिक खेलाडी जेलेस्पिजंग कार्कीले उपलब्ध गराइदिएको बललाई डिओपले गोलमा परिणत गरेका हुन्। इन्जुरी समयमा भिन्सेन्टले पेनाल्टीमार्पत गोल गर्दै काठमाडौंलाई हारबाट जोगाए ।
