- शाम्भवी बाशिष्ठ

देश निर्माण का दुई साना खम्बा ढले,
पायो कस्ले के ?
बिगतमा पनि धेरै पटक धेरै आमा वाबुका छोरा छोरीको रगत को खोला बगाएर, 
देशका कैयन संरचना बिगारेर धेरै परिवर्तनहरू भए । 

हामी स्वतन्त्र भयौॅ,
मनमा लागेको कुरा निष्फिक्री व्यक्त गर्न सक्ने भयौॅ,
तर पनि परिवर्तनले ठूलो परिवर्तन ल्याउन सकेन,
वेरोजगारी बढेकै छ युवा बिदेशिएकै छन्,
देशको आर्थिक अवस्थामा तात्विक सुधार छैन,
आर्थिक लगानीकर्तालाई त्रास छॅदै छ, 
अनि खै त ति हजारौॅको बलिदान को अर्थ,
पाए त ती आत्माहरूले शान्ति ?

अब फेरी यो तन्त्र र त्यो तन्त्र भनेर हामी आफै आफैमा द्वन्द्व गर्न थाल्यौ,
तर हेरिसक्यौ जुन तन्त्र आएपनि हामी सडकमा उत्रने ले केही पाउने होइन,
केही पाएका छन त मात्र सडकमा उतार्नेहरूले, 
अब हामीले नै सोच्नुपर्ने हो की कतै हामीले आफ्नो मताधिकारको सही प्रयोग गर्न नजानेका त होइनौ,
सधै सधै एकआपसमा युद्ध गरेर ज्यान दिने लिने भन्दा नेतृत्व चयन गर्दा सचेत हुने की !