पोखराबाट बिरामी लिएर काठमाडौंका लागि उडेको हेलिकोप्टर धादिङमा आकस्मिक अवतरण गरेको छ ।
ठूलो पानी परेको र बादलले गर्दा मौसममा खराबीका आएका कारण धादिङको थाक्रे गाउँपालिका-७, आठकिलो भन्ने ठाउँमा हेलिकोप्टर सुरक्षित अवतरण गराइएको हो ।
पोखराको मणिपाल अस्पतालबाट दमका बिरामी बोकेर काठमाडौं आउँदै गरेको कैलास हेलिकोप्टर सर्भिसेजको ९ एन–एएमएल हेलिकोप्टर खाली चौरमा अवतरण भएको थाक्रे गाउँपालिका–७ का वडाध्यक्ष युवराज खतिवडाले जानकारी दिए ।
जिल्ला प्रहरी कार्यालय धादिङका प्रहरी नायब उपरीक्षक मकेन्द्रकुमार मिश्रले खराब मौसमका कारण काठमाडौंतर्फ जान जोखिम देखिएपछि पाइलटले सुरक्षित ठाउँमा अवतरण गराएको जानकारी प्राप्त भएको बताए ।
